السلام عليكم ورحمه الله وبركاته
ازييكم يا احلى صحبه ان شاء الله تكونوا بخير
موضوع النهارده بيتكلم عن اغنيه اسمها الدنيا دى
طبعا في اغنيه جديدة اكيد كلنا سمعناها بتقول :
" الدنيا دى فيها كام بلياتشو"
دلوقتى وفي الزمن اللى احنا فيه دة بنلاقي ناس كتير اوى ممكن نكون احنا منهم .بنحاول نخفي حزننا عشان غيرنا ميدايقش وبنعد نضحكهم ونهزر
معاهم عشانهم هما و بنحاول ننشر السعاده في قلبهم والبسمه على شفايفهم باي
طريقه .بنعاملهم بكل صدق وامانه وبنحبهم من قلبنا .
بنقدم لهم كل خير وكل وسائل السعاده .
وفجاه نلاقي نفسنا مجرد مرحله في حياتهم كنا مجرد بلياتشو في سيرك كبير
بيحتوى على الخيانه والغدر
يعنى احنا كنا بنقدملهم كل وسائل الحياه السعيده وهما كانوا بيطعنونا من غير من نحس
كنا بنموت بالبطيء يعنى .
كنا مجرد صفر على الشمال .
يااااااااااه تعرفوا ان من اصعب الاعمال عمل البلياتشو
لانه بيكون في قمه حزنه ومع ذلك بيفرح الناس اللى حواليه وهما ولا حاسين بجرحه
واسئلتى ليكم هى :
هل جربت الاحساس بالخيانه ؟ بعد كل اللى عملته عشانهم ؟ ويا ترى جربته مع مين ؟
واحساسك ايه وانت بلياتشو ولا حد حاسس بيك ولا باللى جواك ؟
ياترى بعد اللى عملوه فيك ممكن ترجع بلياتشو ؟
انا اتكلمت عن مفهوم البلياتشو من وجهة نظرى وقولت انه بيحاول ينشر السعاده بكل الطرق في قلب الناس حتى لو كان بلياتشو .
بلياتشو زى ما قولت من وجهة نظرى ؟ ايه مفهوم كلمه البلياتشو بالنسبه لك ؟
اتمنى من كل قلبي انكم تكونوا فهمتوا موضوعى
واتمنى انكم تردوا بكل صدق ومتكسلوش عن الاجابه وتقولوا رايكم بجد في الموضوع