انا اصرييت وسالتها مره ثانيه سكتت شوي بعديين قالت:والله من العذاب الي فيني قلت لييش ؟ وش السالفه ؟ قالتلي اقولك قصتي وبعدين انتي احكمي : كنت متزوجه من زوج ونعم الازواج يحبني ويحترمني ويعزني بس كان فيني عيب اني مااجيب عيال وانا حاولت بس الله مارزقني
فشرت علييه انه يتزوج ثانيه هو مارضى فالبدايه بس انا قعدت احن و احن الين وافق فادورة له على الزوجه وخطبتها له وتم الزواج بس بعد ماتزوجها شبت نار الغيره بقلبي لانه اخذ يميل لها
وفتره بسيطه الا والمره حامل زادت غيرتي المهم جابت له ولد الزوج استانس وفرح وقعدت انا افكر بنفسي كيف انا اللي شرت عليه في يوم جاني زوجي وقالي بسافر مع مرتي الثانيه وبنخلي الولد عندك وافقت طبعا لانه مافي احد يمسك الولد غيري سافروا وخلو الولد عندي كان الوقت شتا وكنت شابه الجمر والولد عمره تقريبا سنه وشهر وهو يلعب ويطامر قدامي وانا بقلبي نار تشتعل مثل الجمر وشلون ياخذها ويسافر وانا لا !!
ويخلي الولد عندي ومن هالكلام وفجاءه
الا الولد يمد يده بيلعب بالجمر ومن ناري وغيرتي مسكت يدينه وحطيتها اكثر بالجمر اليين ذابت يده
وهنا شلتها بعدها مايحتاج اقولك اشلون صارت يد الولد وكذا حسيت ان ناري طفت اشوي
نمنا ذيك الليله الاويجينا خبر وفاة زوجي مع زوجته وهم في طريق العوده بحادث وظليت بروحي عايشه مالي احد غير ربي ومن ثم الولد اللي تشوفينه وصار اكثر من ولدي واعز ويدور راحتي ويراعيني ومالي ظل غيره هو اللي يشوف طلباتي وطلبات البيت وماقصر معاي بشي بس كل ماشفت يده يتقطع قلبي على الي سويته فيه
ويناديني يمه بس الى الان ماقلتله اني انا اللي شوهت يده ولازلت اعاني من العذاب وتائنيب الظمير وادعي ربي يغفر لي ذنبي سبحان الله شلون حكمة ربك انه صار خير لي لولا هالولد كان انا حالتي حاله وشوي