كنزي محمد
عضو مجتهد
عدد المساهمات : 156
تاريخ التسجيل : 11/03/2010
العمر : 38
تاريخ الميلاد : 18/10/1985
الجنس : 
 | | موضوع: ناس وناس ......تعالوا نشوف الناس.......!!!! الإثنين مارس 15, 2010 12:23 am | |
| بسم الله الرحمن الرحيم
ناس وناس ......تعالوا نشوف الناس.......!!!!
شفت كتير أشكال أجناس
شفت وشوش
شفت رتوش
شفت الناس من بين الناس
*******
ناس شقيانة
وناس تعبانة
وناس تتعب لو مضغوا لبانة
وناس ظهرها محني من الفاس
*******
ناس من كتر الغلا مكبوتة
مش قادرين يشترو كيلو قوطة
وناس مبسوطة
عايشه حياتها في شرب الكاس
*******
ناس فقرا ومش قادرة تعيش
أكتر كلمة تقولها مفيش
وفي ناس تاخد ما بتديش
وعشان تدي إيديها تتباس
*******
ناس كرامتها فوق الكل
رغم الفقر ما ترضاش ذل
وفي ناس واطية زي الفل
تِوْصَل لو حتى هتنداس
*******
ناس دايماً واقفين طوابير
لقمة عيشها ده هم كبير
وفي ناس رغم إنها طنابير
عمر ما تتعب ولا تحتاس
*******
ناس تديها ظهرك تإذيك
وناس تتمنى إنها ترضيك
عايشة حياتها كلها ليك
بتكمل معنى الإخلاص
*******
ناس عايشة في زحمة ودخان
شمس وحر وخنقة كمان
وفي ناس تانية قليل ما تبان
وبتتشال كده فوق الراس
*******
ناس تلاقيها ساعة الجد
عمر ما تتعب ولا تتهد
وفي ناس عمر ما ساعدت حد
نفسي وبس – أنا وخلاص
*******
ناس بالرغم إنها محتاسة
ما بتطلبش عشان حساسة
وناس تندب في عينها رصاصة
ناس منزوع منها الإحساس
*******
لكن بين الناس والناس
شفت وشوش
شفت رتوش
شفت الناس كده غير الناس
منقووووووول
| |
|
